ከዘማሪ በረከት ለማ ጋር ያደረግነው ቆይታ

በረከት፦
"በልጅነቴ ከ Sunday school እንደጨረስኩኝ የተቀላቀልኩበት የመጀመሪያው ህብረት ኳየር ነበረ። በተጨማሪ ባደኩባት ሕይወት ብርሃን ቤ.ክ የአምልኮ አገልግሎት ውስጥም ገብቼ ስለነበር ለዝማሬ አገልግሎት ቅርብ ነበርኩኝ። በዚህ ሁኔታ ነው ወደ ዝማሬ አገልግሎት የገባውት።"

በረከት፦
"አገልግሎት ማለት በተገልጋዩና በአገልጋዩ መካከል ያለ ቁርኝት ነው። ማንም ሰው ታማኝ ተደርጎ በተሾመበት በየትኛውም ቦታ ለሚያገለግለው ጌታ ደስታ መኖር ሲጀምርና ተገልጋዩ ጌታ በአገልግሎቱ ሲደሰት ትክክለኛ አገልግሎት ነው ብዬ አምናለሁ።"

በረከት፦
"ለአንድ ክርስቲያን ግቢ ሲባል ከትምህርቱ ባሻገር ቀድሞ ወደ አእምሮ የሚመጣው ነገር Fellowship ነው። በግቢ ውስጥ በነበረኝ ቆይታ በ Evangelism, Choir እንዲሁም በ Main leadership ላይ የማገልገል እድል አግኝቼ ነበር። ግቢ በነበርኩ ጊዜ ከጌታ የተማርኳቸው ለህይወት የሚሆኑ ትምህርቶችና ንክኪዎች ነበሩኝ።"

በረከት፦
"የመጀመሪያ መዝሙሬን አላስታውሰውም ነገር ግን በምጸልይበት ሰዓት ጌታ ዝማሬዎችን ወደ ልቤ ያፈሳቸዋል። ጌታ ስለሰጠኝ ቃል አሰላስላለሁ ፣ ጸልያለሁ ፣ ከወዳጆቼ ጋር አወራለሁ ከዚያን ከጊዜያት በኋላ ወደ ዝማሬ ይለወጣል።"

በረከት፦
"ጌታዬ ኢየሱስ ከበራልኝ ወዲህ ስለ ጌታ ማጥናት እሱን ለመምሰል መፈለግ በውስጤ ያድር ስለነበር ትልቁ ምሳሌዬ ኢየሱስ ነው። በመቀጠል ግን አርዓያ በመሆን በተለያየ መንገድና ሁኔታ ህይወቴ ላይ ተጽዕኖ የፈጠሩ በርካታ ሰዎች አሉ።"