ከዘማሪት ሶሬቲ ሞገስ ጋር ያደረግነው ቆይታ

ሶሬቲ፦
"በልጅነቴ በሰንደይ ስኩል የኳየር አገልግሎት ነው ዝማሬ የጀመርኩት። መዘመርም መዝሙር መፃፍም የጀመርኩት በኳየር ውስጥ ነው።"

ሶሬቲ፦
"የመጀመሪያ መዝሙሬ ለኳየር ነው የተሰጠው። ከእግዚአብሔር ቃል ቀጥታ ስለተወሰደ ቆንጆ ዝማሬ ነው። ከዘፀአት ምዕራፍ 15 ቀጥታ የተወሰደ የሙሴ እህት ማሪያም የዘመረች መዝሙር ነው።"

ሶሬቲ፦
"ፀጋውን ያላወቀ ሰው ፀጋ ሰጪውን እግዘብሔርን መጠየቅ ነው ያለበት።"

ሶሬቲ፦
"አምልኮ ከዝማሬ የዘለለ ነገር ነው። የዕለት ተዕለት ህይወታችንና መውጣት መግባታችን በራሱ ለእግዚአብሔር የሚቀርብ መስዋዕት ነው። አሁን ላይ ያለው የክርስትና ህይወታችን እግዚአብሔርን የሚያስከብር ነው ለማለት ይከብደኛል። ነገር ግን እግዚአብሔር ተሀድሶን እንደሚያመጣ ተስፋ አደርጋለሁ።"

ሶሬቲ፦
"ቀላል ጥያቄ ባይሆንም የመጀመሪያው ያላመንኩበትን ነገር አላደርግም። ሌላው ስዓት አክባሪ ነኝ ብዬ አስባለሁ። ሶስተኛው የሰው ልጅ በሰውነቱ አከብራለሁ።"

ሶሬቲ፦
"ቅይጥነት በቤተክርስቲያን ውስጥ በሚያሳዝን ሁኔታ በደንብ አለ። መገለጫዎቹ የክርስቶስ መሻት ያልሆኑትን ነገሮች ማስቀደም አልፎም ዋና መድረግ፤ አለማዊነት፤ ሰውን መናቅ፤ ገንዘብ ወዳድነት፤ የዚህን አለም ክብር መናፈቅ እና የመሳሰሉት ናቸው። ለዚህ ችግር መፍትሔ ነው ብዬ ማስበው አስተምሮአችንን ማየትና ማጥራት እና ግልፅ የሆነ የልዩነት መስመር ማስመር ነው።"